काठमाडौं । नेपाल राष्ट्र बैंकले विभिन्न पदकालागि कर्मचारी माग गरेको छ । बैंकले बुधबार सुचना जारी गर्दै करार सेवामा पिपा र सवारी चालक पदका लागि कर्मचारी माग गरेको हो ।
इच्छुक तथा योग्यता पुगेको व्यक्तिले असार २२ देखि साउन ४ गतेभित्र बैंकले तोकेको अनलाइन मार्फत फारम भर्न सकिने बैंकले जनाएको छ । सो पदका लागि ८ कक्षा पास गरेकाले पनि आवेदन दिन सकिनेछ ।
बैंकले पिपा पदका लागि १६ जना, हल्का सवारी चालक १४ जना र बस चालक ७ जना गरि कुल ३७ जना कर्मचारीको माग गरेको छ ।
