काठमाडौं । एनएमबि बैंकको संस्थापक शेयर विक्री गरिने भएको छ । बैंकले २ संस्थापक शेयरधनीको नाममा रहेको कुल ६६ हजार ६ सय ३० कित्ता शेयर विक्री गर्न लागेको हो ।
कुल शेयर मध्ये मान बहादुर फागुको नाममा रहेको ५२ हजार ३ सय ५ कित्ता र भानु भक्त शर्माको नाममा रहेको १४ हजार ३ सय २५ कित्ता विक्रीमा रहेको छ ।
उक्त संस्थापक शेयर खरिद गर्न इच्छुक संस्थापक शेयरधनीले सुचना प्रकाशन भएको मितिले ३५ दिन भित्र कम्पनी सचिवको कार्यालय बबरमहलमा आवेदन दिनुपर्ने छ ।
तोकिएको समयमा संस्थापक शेयरधनीबाट आवेदन नपरेमा बैंकले अन्य व्यक्ती तथा संस्थालाई विक्री गर्ने समेत जनाएको छ ।
