काठमाडौं । नेपाल राष्ट्र बैंकले विभिन्न पदका लागि कर्मचारी माग गरेको छ । बैंकले शुक्रवार सुचना जारी गर्दै विभिन्न पदका लागि अनलाइन फारम भर्न आवेदन माग गरेको हो ।
उक्त आवेदनमा इच्छुक नागरिकले असोज ६ गतेसम्म आवेदन दिन सक्नेछन् भने दोब्बर दस्तुर तिरेर असोज १३ गतेसम्म आवेदन दिन सक्ने बैंकले जनाएको छ । बैंकले सहायक निर्देशक प्रशासनतर्फ १८ जना, सहायक निर्देशक प्राविधिकतर्फ १ जना, सहायक द्वितीय प्रशासनतर्फ २४ जनाका लागि आवेदन खुलाएको छ ।
