काठमाडौं । केपी शर्मा ओली नेतृत्वको कामचलाउ मन्त्रिपषिद्मा १३ जना मन्त्री थपिएका छन् । शुक्रबार प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले ११ मन्त्रीलाई शपथ गराएकी हुन् । २ जना राज्यमन्त्रीलाई भने राष्ट्रपति भण्डारीको उपस्थितिमा प्रधानमन्त्री केपी शर्मा ओलीले शपथ ग्रहण गराए ।
पुनर्गठनसँगै संघीय सरकारको मन्त्रिमण्डल १७ सदस्यीय भएको छ । प्रधानमन्त्री तथा मन्त्रिपरिषद्, रक्षा, गृह, सञ्चार, पर्यटन, कृषि, उद्योग र सामान्य प्रशासन गरी ८ वटा मन्त्रालय ओलीले आफैं लिएपछि मन्त्रिमण्डल अब १७ सदस्यमा सीमित भएको हो ।
सोमध्ये १० जना मन्त्री र राज्यमन्त्री मधेशी मुलका छन् । राजेन्द्र महतो, रघुवीर महासेठ, शरदसिंह भण्डारी, अनिल झा, विमल श्रीवास्तव, उमाशंकर अगरिया, लक्ष्मणलाल कर्ण, चन्दा चौधरी, एकवाल मियाँ र चन्द्रकान्त चौधरी मधेशी मुलका मन्त्रीहरु हुन् ।
यस्तो छ नयाँ कार्यविभाजन
प्रधानमन्त्री केपी शर्मा ओली : प्रधानमन्त्री तथा मन्त्रिपरिषद, रक्षा, गृह, सञ्चार, पर्यटन, कृषि, उद्योग वाणिज्य र सामान्य प्रशासन ।
उपप्रधानमन्त्री विष्णु पौडेल : अर्थ
उपप्रधानमन्त्री राजेन्द्र महतो : शहरी विकास
उपप्रधानमन्त्री रघुवीर महासेठ : परराष्ट्र
मन्त्रीहरु
शेरबहादुर तामाङ : स्वास्थ्य
कृष्णगोपाल श्रेष्ठ : शिक्षा
वसन्तकुमार नेम्वाङ : भौतिक पूर्वाधार
लीलानाथ श्रेष्ठ : कानून
शरतसिंह भण्डारी : ऊर्जा
अनिल झा : खानेपानी
विमल श्रीवास्तव : श्रम तथा रोजगार
उमाशंकर अरगरिया : वन तथा वातावरण
लक्ष्मणलाल कर्ण : भूमि व्यवस्था
चन्दा चौधरी : महिला, बालबालिका तथा ज्येष्ठ नागरिक
एकवाल मियाँ : मन्त्री, युवा तथा खेलकुद
राज्यमन्त्रीहरु
चन्द्रकान्त चौधरी : ऊर्जा
रेणुका गुरुङ : महिला, बालबालिका तथा ज्येष्ठ नागरिक
