काठमाडौं । नेपाल राष्ट्र बैंकले १९ अर्ब १० करोड रुपैयाँ बराबरको ट्रेजरी बिल जारी गर्ने भएको छ । सोमबार बैंकले ९१ दिन र १८२ दिन अवधि भएको सो बराबरको बिल विक्री गर्न लागेको हो ।
बैंकले जारी गर्न लागेको बिलमध्ये ९१ दिन अवधिको ९ अर्ब १० करोड र १८२ दिन अवधिको १० अर्ब रुपैयाँ बराबर रहेको छ । यो बिल नवीकरण प्रयोजनको लागि जारी गर्न लागिएको हो ।
यसअघि असोज ९ गते राष्ट्र बैंकले सोही अवधिको १२ अर्ब १० करोड रुपैयाँको बिल नवीकरण गरेको थियो । सो बोलकबोलमा ९१ दिन अवधिको लागि ९.५८१८ र १८२ दिन अवधिको लागि ९.७४०६ प्रतिशत भारित औसत छुट दर प्रस्ताव गरिएको थियो ।
