काठमाडौं । कोभिड–१९ संकट व्यवस्थापन केन्द्रले निषेधाज्ञाको लगाउने जिम्मा स्थानीय प्रशासनलाई दिएको छ । आइतबार बसेको सीसीएमसीको बैठकले यस्तो निर्णय गरेको हो । साथै पहाडी जिल्लाहरुमा २ सय र तराई तथा उपत्यकामा ५ सय भन्दा बढी संक्रमित भेटिए लकडाउन गर्नसक्ने जनाएको छ ।
यो निर्णयसँगै काठमाडौं उपत्यकासहित शहरी इलाका रहेका जिल्लाहरुमा लकडाउन हुने अवस्था आएको छ । काठमाडौं उपत्यकामा तीन जिल्लाका सीडीओहरुको बैठकले निषेधाज्ञासम्बन्धी निर्णय गर्नेछन् । तर कस्तो खालको निषेधाज्ञा हुन्छ भन्नेबारे निर्णय भने स्थानीय प्रशासनले नै गर्नेछन् ।
