काठमाडौं । साताको पहिलो दिन (आइतबार) सेयर बजारमा गिरावट देखिएको छ ।
आज नेप्से परिसूचक ८.४८ अंकले घटेर २८३४.५१ अंकमा बन्द भएको छ ।
यो दिन १ करोड ८ लाख कित्ता सेयर ५ अर्ब ५ करोड रुपैयाँमा कारोबार भएको छ ।
यो दिन ६० वटा कम्पनीको सेयर मूल्य बढ्दा १५३ वटा कम्पनीको सेयर मूल्य घटेको छ । साथै १० वटा कम्पनीको सेयर मूल्य स्थिर छ ।
यो दिनको कारोबारमा सबैभन्दा बढी कमाउने कम्पनीमा ओरियन्टल होटल, सीईडीबत्री हाइड्रोपावर, कर्पोरेट डेभलपमेन्ट बैंक, नेपाल फाइनान्स लगायतका कम्पनी छन् ।
त्यसैगरी सबैभन्दा बढी गुमाउने कम्पनीमा पोखरा फाइनान्स, गोर्खाज फाइनान्स, पञ्चकन्या माइ हाइड्रोपावर, रिलायन्स फाइनान्स, जोशी हाइड्रोपावर कम्पनी छन् ।
