काठमाडौं । कोरोना परीक्षण गराउँदा पोजेटिभ नतिजा देखिनेको संख्या ४० प्रतिशत नजिक पुगको छ । बिहीबार परीक्षण गर्ने र पुष्टि हुनेको संख्याको आधारमा यस्तो देखिएको हो ।
१२ हजार ५ सय ९७ जनाको परीक्षणमा बिहीबार ४ हजार ९ सय २८ जनामा कोरोना संक्रमण पुष्टि भएको छ ।
यसैबीच बिहीबार मात्रै कोरोनाको कारण थप ३५ जनाको मृत्यु भएको छ । कोरोनाको कारण नेपालमा एकैदिन मृत्यु भएको यो हालसम्मकै सर्वाधिक संख्या हो ।
हालसम्म ३ हजार २ सय ४६ जनाले कोरोनाको कारण ज्यान गुमाइसकेका छन् । संक्रमितको संख्या अहिले ३४ हजारभन्दा धेरै रहेको मन्त्रालयले जनाएको छ ।
