काठमाडौं । नेपाल प्रहरीले १२८ जना नयाँ प्रहरीका लागि आवेदन खुलाएको छ । आज नेपाल प्रहरी प्रधान कार्यालय नक्सालले गोरखापत्रमा सूचना प्रकाशित गर्दै प्राविधिक प्रहरी समूह अन्तर्गतको विभिन्न उपसमूहमा खाली रहेका पदका लागि भर्ना खुलाएको हो ।
खुला प्रावधानद्वारा समावेशी प्रावधान बमोजिम पदपूर्ति गर्नुपर्ने भन्दै योग्यता पुगेको नेपाली नागरिकलाई अनलाइन माध्यमबाट आवेदन दिन सूचनामार्फत् अनुरोध गरिएको छ ।
१२८ जनामध्ये ३५ जना प्राविधिक प्रहरी निरीक्षक (इन्सपेक्टर), प्राविधिक प्रहरी नायब निरीक्षक (सई ) ३५ जना, प्राविधिक प्रहरी सहायक निरीक्षक (असई) ५८ जना मागिएको छ ।
