काठमाडौं । वैदेशिक रोजगार बोर्ड र मलेसियाको निजी कम्पनीबीचको सम्झौता तत्काल कार्यान्वयन नहुने भएको छ । प्रधानमन्त्री तथा मन्त्रिपरिषद्को कार्यालयले बोर्डलाई पत्राचार गर्दै उक्त सम्झौता तत्काल कार्यान्वयन नगर्न निर्देशन दिएको हो ।
मन्त्रालयले निर्देशन दिएसँगै बोर्डले प्रेस विज्ञप्ती जारी गर्दै सम्झौता तत्कालका लागि कार्यान्वयन नहुने जनाएको छ ।
यसअघि बोर्डले नेपाली श्रमिकको कल्याणकारी कामका लागि भन्दै रोजगारदातासँग प्रतिकामदार ४५ डलर थप उठाउने गरी मलेसियाको निजी कम्पनीसँग सम्झौता गरेको थियो ।
मलेसियामा रहेका नेपाली श्रमिकहरुको राहत, उद्धारलगायतका कल्याणकारी काम गर्ने भन्दै सम्झौता भएपछि अन्ततः यसले श्रमिकमाथि नै आर्थिक भार थोपर्ने भन्दै आलोचना भइरहेको थियो ।
