काठमाडौं । सोमबारदेखि हवाई उडान गर्न नपाइने भएको छ । सीसीएमसीको सिफारिस बमोजिम मन्त्रिपरिषद्ले हवाई उडान प्रतिबन्ध लगाउने निर्णय गरेको हो ।
यसअघि सडाबाट गुड्ने सवारीसाधन सञ्चालनमा मात्रै प्रतिबन्ध लगाइएको थियो । तर, जहाजको सञ्चालन कायमै राख्ने निर्णयप्रति यातायात व्यवसायीले आपत्ति जनाएका थिए ।
शनिबार सीसीएमसीले उडान प्रतिबन्ध लगाउन सिफारिस गरेको थियो । उक्त सिफारिसलाई मन्त्रिपरिषदले सदर गरेको हो ।
यो निर्णयसँगै दिउँसो नेपाल नागरिक उड्डयन प्राधिकरण र वायुसेवा सञ्चालक संघबीच भएको सहमति निष्क्रिय हुने भएको छ ।
