काठमाडौैं । प्रधानमन्त्री केपी शर्मा ओलीले मन्त्रिपरिषद्को आकस्मिक बैठक बोलाएका छन् । शनिबार अपराह्न ५ बजेका लागि बैठक बोलाइएको हो । मन्त्रिपरिषद्को नियमित बैठक सोमबार र बिहीबार बस्ने भए पनि शनिबार आकस्मिक रुपमा बैठक बोलाइएको हो ।
सोमबार ओलीले संसदमा विश्वासको मत लिँदैछन् । तर, विश्वासको मत ओलीको अनुकुल नहुने निश्चितप्रायः छ । यस्तो अवस्थामा ओलीले बोलाएको मज्त्रिपरिषद् बैठकले विशेष निर्णय गर्नसक्ने अनुमान गरिएको छ ।
कतिपयले लुम्बिनी प्रदेशको जस्तै ओलीले मतदानअघि नै राजीनामा दिने र फेरि ठूलो दलको हैसियतमा शपथ लिने अनुमान गरेका छन् । त्यसो भयो भने यो बैठक वर्तमान मन्त्रिपरिषद्को अन्तिम बैठक समेत हुन सक्नेछ ।
