काठमाडौं । खानपान तथा गलत शारीरिक अभ्यासका कारण विश्वभर डायबिटिज अर्थात् मधुमेह रोगीको संख्या बढ्दै गरेको पाइएको छ । विश्व स्वास्थ्य संगठनका अनुसार विश्वका ४२ करोड जनसंख्यामा चिनिरोग भनेर चिनिने सो रोग देखिएको छ । अहिले पौढ जनसंख्याका झन्डै ८ प्रतिशतमा यो रोग देखिने गरेको छ । मधुमेहका कारण मानिसको आयु औसत १३ वर्ष घट्ने गरेको अनुसन्धानले देखाएको छ ।
मधुमेह मुटुरोगको मुख्य कारण पनि हो । अहिले नेपालमा हृदयघात भएका झन्डै ४० प्रतिशत व्यक्तिमा मधुमेह रोग देखिएको छ । यसले मुटुमात्रै नभएर मृगौला, आँखा लगायतमा समेत असर गर्छ । मधुमेहकै कारण आँखाका रोगी तथा मिर्गौला फेल हुने घटना समेत बढेर गएको छ ।
किन बढ्छ मधुमेह ?
विश्व स्वास्थ्य संगठनले मधुमेह रोग बढ्नुको विभिन्न कारण मानेको छ । जसमा मानिसको खानपान, चालचलन तथा कपडा लगाउने तरिकासम्म मुख्य कारण रहेको देखिएको छ । डब्ल्युटीओका अनुसार देहाय कारणले मधुमेह रोग अझै बढाउन सहयोग गर्छ ।
१. उच्च कार्बोहाइडेडयुक्त खाना खानु
२. दिनभरी बसिरहनु
३. रातको अबेरसम्म काम गर्नु
४. तनाव लिनु
५. बिहान समयमा खाजा नखानु
६. बेलुका ढिला खाना खानु
कसरी थाहा पाउने मधुमेहको लक्षण ?
१. थकानको महसुस
२. घाउहरु ढिलो निको हुनु
३. आँखा कमजोर हुनु
४. बारम्बार तिर्खा लाग्नु
५. बारम्बार पिसाब लाग्नु
६. शरिरको तौल असामान्य बढ्नु वा घट्नु
