भक्तपुर । देशभरका शिवालयमा आज महाशिवरात्रि मेला लागेको छ । सोही अवसरमा भक्तपुरको डोलेश्वर महादेव मन्दिरमा भक्तजनहरूको भीड लागेको छ ।
केदारनाथको शिर घोषणा गरेपछि यस मन्दिरमा प्रत्येक वर्ष शिवरात्रिमा विशेष मेला लाग्ने गर्दछ भने नेपाल लगायत छिमेकी देश भारतबाट हजारौं संख्यामा भक्तजन यहाँ आउने गर्दछन् ।
यो वर्ष पनि शिवरात्रिका लागि आउने भक्तजनहरूका लागि सहज रुपमा दर्शन गर्नसक्ने व्यवस्था मिलाइएको केदारनाथको शिर डोलेश्वर महादेव संरक्षण तथा विकास समितिले जनाएको छ ।
