काठमाडौं– कृषि विकास बैंक लिमिटेडले गत आर्थिक वर्षको नाफाबाट आफ्ना सेयरधनीलाई १३ प्रतिशत लाभांश दिने भएको छ ।
बुधबार काठमाडौंमा बसेको बैंकको सञ्चालक समितिको बैठकले ३.२५ प्रतिशत बोनस सेयर र ९.७५ प्रतिशत नगद लाभांश दिने निर्णय गरेको हो ।
यस्तै, बैठकले हाल कायम भएको फिर्ता नहुने अग्राधिकार शेयर पूँजीमा समेत वार्षिक ६ प्रतिशतले हुन आउने नगद लाभांश वितरण गर्ने निर्णय पनि गरेको छ ।
उक्त लाभांश नेपाल राष्ट्र बैंकबाट स्वीकृत भइ आगामी वार्षिक साधारण सभाले पारित गरेपछि प्राप्त हुनेछ ।
