काठमाडौँ । पेट्रोलियम पदार्थको मूल्य घटेको छ । नेपाल आयल निगमले शुक्रबार बिहानदेखि लागू हुनेगरी मूल्य घटाएको हो ।निगमले जारी गरेको सूचना अनुसार, पेट्रोलमा प्रतिलिटर ३ र डिजेल र मट्टितेलमा प्रतिलिटर १ रूपैयाँले मुल्य घटाइएको हो ।
भारतीय आयल कर्पोरेसनबाट प्राप्त नयाँ खरिद मूल्य घटेर आएपछि निगम सञ्चालक समितिको बैठकले मूल्य घटाउने निर्णय गरेको निगमद्वारा जारी सूचनामा जनाएको छ । नयाँ मूल्यसूची अनुसार काठमाडौँ, पोखरा र दिपायलमा अब पेट्रोल प्रतिलिटर १५६ रुपैयाँ र डिजेल तथा मट्टितेल १३६ रुपैयाँ कायम भएको छ ।
त्यसैगरी, सुर्खेत र दाङमा पेट्रोल १५५ र डिजेल १३५ रुपैयाँ भएको छ । तराईका क्षेत्रमा पर्नेमा पेट्रोल १५३ रुपैयाँ ५० पैसा र डिजेल १३३ रुपैयाँ ५० पैसामा उपलब्ध हुने निगमका प्रवक्ता मनोज ठाकुरले बताए । दुई साताअघि पनि निगमले पेट्रोल र डिजलको मूल्य घटाएको थियोे ।
