काठमाडौं । नेपाल इन्भेष्टमेन्ट मेगा बैंकका सीईओ ज्योति प्रकाश पाण्डे पक्राउ परेका छन् । नेपाल प्रहरीको केन्द्रीय अनुसन्धान व्युरो सीआईबीले सीईओ पाण्डेलाई पक्राउ गरेको हो ।
पाण्डेलाई सिन्धुलीको कमलामाई नगरपालिका( ६ बसपार्कबाट वैशाख २९ गते राति करिब ८ बजे पक्राउ गरेको सीआई प्रवक्ता शिव कुमार श्रेष्ठले जानकारी दिए । उनलाई बुधबार काठमाडौं ल्याइएको बताइएको छ ।
काठमाडौंको रक्तकाली स्थाई बासिन्दा पाण्डे ललितपुरको मानभवन बस्दै आएका थिए । ६३ वर्षीय पाण्डेविरुद्ध मुलुकी अपराध संहिताको ठगी तथा आपराधिक विश्वाशघातको कसुरमा अनुसन्धान अघि बढाइएको सीआईबीका प्रवक्ता एवम् एसएसपी श्रेष्ठले बताए ।
