काठमाडौँ । वैशाख १ देखि साउन १४ गतेसम्म देशका विभिन्न भागमा तीन हजार ९५१ विपद्जन्य घटना भएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार ती घटनामा परेर एक सय ९३ जनाको मृत्यु भएको छ ।
ती घट्नामा परेर तीन जना बेपत्ता भएका छन्भने एक हजार १६५ जना घाइते तथा पाँच हजार ८७ परिवार प्रभावित भएको प्राधिकरणले जनाएको छ । सो अवधिमा सबैभन्दा बढी एक हजार दुई वटा आगलागीका घटना भएका छन् ।
त्यसैगरी सर्पदंशका ६७०, पहिरोका ६६२, हुण्डरीका ४७९, चट्याङका २३१, भारी वर्षाका २२६, वन्यजन्तु आक्रमणका २१८, बाढीका १९८ र वन डढेलोका १९१ घटना भएका छन् ।
