काठमाडौं । नेपाल ल्याइएका ५६० अक्सिजन सिलिण्डर गैरआवासीय नेपाली संघ (एनआरएनए) ले नेपाल सरकारलाई हस्तान्तरण गरेको छ ।
रु ७५ लाखभन्दा बढीको अक्सिजन सिलिण्डर पश्चिम एशियामा रहेका नेपाली एवं ओमानस्थित नेपाली दूतावासको सहयोग तथा सहकार्यमा शनिबार नेपाल ल्याइएको हो ।
ओमानदेखि काठमाडौँसम्म ल्याइएको अक्सिजन सिलिण्डर ढुवानीको खर्च भने नेपाल सरकारले बेहोरेको जनाइएको छ ।
अक्सिजन सिलिण्डर आवश्यकतानुसार लुम्बिनी प्रदेशमा २००, सुदूरपश्चिममा १००, कर्णाली प्रदेशमा १००, प्रदेश नं २ मा ८५ र गण्डकी प्रदेशलाई ७५ थान वितरण गर्ने बताएको छ ।
