भक्तपुर । भक्तपुर नगरपालिका वडा न १० कमलविनायमा रहेको जय सन्तोषी माँ ऋण तथा बचत सहकारीको आयोजना निःशुल्क स्वास्थ्य शिविर सम्पन्न भएको छ । अन्तर्राष्ट्रिय महिला दिवसको अवसर पारेर मंगलबार संस्थाको कार्यालयमा एक दिने बृहत् महिला लक्षित स्वास्थ्य शिविर सम्पन्न भएको हो ।
निःशुल्क पाठेघर र आखाँको परीक्षण गरिएको थियो । शिविरको लागि मेडिल्याण्ड फार्मेसी एण्ड क्लिनिक र ख्वप तिलगंगा अप्टिकल क्लिनिकले जनशक्ति तथा प्राविधिक सहयोग गरेका छन् ।
शिविरबाट १ सय ५२ जना लाभान्वित भएको जय सन्तोषी माँ ऋण तथा बचत सहकारीका अध्यक्ष राजन सैंजुले जानकारी दिएका छन् । सैजुले संस्थाको सामाजिक उत्तरदायित्व अनुसार महिला लक्षित स्वास्थ्य शिविर आयोजना गरेको बताए ।
