काठमाडौं । २०७९ सालमा सार्वजनिक विदा हुने दिन बढेको छ । बिहीबार राजपत्रमा सूचना प्रकाशन गर्दै सरकारले यस्तो बिदा बढाएको हो ।
यसमध्ये ५२ दिन शनिबार पर्नेछ । दशैंमा ५ दिन र तिहारमा ४ दिन बिदा घोषणा गरिएको छ । त्यसबाहेक अन्य १६ दिन पर्व विदा दिइएको छ ।
हरितालिका तिजमा महिला र जितिया पर्वमा सम्बन्धित समुदायका महिलाले बिदा पाउनेछन् । काठमाडौंमा इन्द्रजात्रा, गाइजात्रा, मच्छेन्द्रनाथ जात्राको भोटो देखाउने दिन र घोडे जात्राको दिन बिदा हुनेछ ।
दिवस अन्तर्गत मजदूर दिवस, गणतन्त्र दिवस, संविधान दिवस, राष्ट्रिय प्रजातन्त्र दिवस र नारी दिवसको दिन बिदा दिइएको छ ।
