काठमाडौं । नेपाल राष्ट्र बैंकले बैंक तथा वित्तीय संस्थालाई विदेशी मुद्रा खर्च हुने सबै प्रकारका गतिविधिलाई नियन्त्रण गर्न कडा निर्देशन दिएको छ । आइतबार सबै वाणिज्य बैंकका प्रमुख कार्यकारी अधिकृतलाई बोलाएर राष्ट्र बैंकले यस्तो निर्देशन दिएको हो ।
साथै राष्ट्र बैंकले नयाँ गाडीको आयात रोक्न समेत निर्देशन दिएको छ । यो निर्देशन कार्यान्वयनमा आए अब राष्ट्र बैंकको अनुमतिभन्दा अगाडि कुौ पनि सवारीसाधन आयात गर्न सकिने छैन ।
बैंकका सीइओहरुसँगको छलफलमा राष्ट्र बैंकका सुपरिवेक्षण विभागका कार्यकारी निर्देशक देवकुमार ढकाल, अनुसन्धान विभागका डा प्रकाश श्रेष्ठ र विदेशी विनिमय विभागका रामु पौडेल सहभागी थिए ।
भेटमा राष्ट्र बैंकले बैंकहरुलाई सीडी रेसियो कायम गर्न असारसम्मको समय रहैको समेत स्मरण गराएको थियो । अहिले अधिकांश बैंकहरुको सीडी रेसियो ९० प्रतिशत भन्दा माथि रहेको छ । त्यसलाई असार मसान्तसम्म ९० प्रतिशतको सीमामा झारिसक्नुपर्ने व्यवस्था गरिएको छ ।
