काठमाडौं । नेपाल राष्ट्र बैंकले १० अर्ब २० करोड रुपैयाँ बराबरको ट्रेजरी बिल बिक्री गर्न भएको छ । सोमबार बैंकले १० अर्ब २० करोड बराबरको ट्रेजरी बिल बिक्री गर्ने भएको हो ।
बैंकका अनुसार ९१ दिन अवधिका लागि ५ अर्ब २० करोड रुपैयाँ छुट्याइएको छ भने १८२ दिन अवधिको लागि ५ अर्ब रुपैयाँ बराबरको ट्रेजरी बिल छुट्याइएको छ । ९१ दिन अवधिको बिल आगामी साउन ३ गते परिपक्व हुनेछ भने १८२ दिन अवधिको बिल आगामी कात्तिक १ गते परिपक्व हुनेछ ।
यी ट्रेजरी बिलको सोमबार दिउँसो ३ बजे अनलाइनका माध्यमबाट बोलकबोल हुनेछ । बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन् ।
