काठमाडौं । नेपाली काँग्रेसका प्रवक्ता प्रकाशशरण महतले स्थानीय तहको निर्वाचनमा नेपाली काँग्रेले ५० प्रतिशत स्थानमा जित हासिल गर्ने दाबी गरेका छन् । नेपाली काँग्रेसको नियमित पत्रकार सम्मेलनका क्रममा उनले देशभर सत्तारुढ गठबन्धनले ७५ प्रतिशत स्थान जित्ने समेत उल्लेख गरे ।
उनले एमाले अध्यक्ष केपी शर्मा ओलीले काँग्रेस र गठबन्धनप्रति निराधार आरोप लगाउने गरेको समेत बताए । उनले नेपाली काँग्रेसको नेतृत्वमा सरकार बनेपछि अमेरिकाबाट मात्रै डेढ खर्बको अनुदान सहयोग ल्याएको भन्दै भारत, चीन, जापान र युरोपेली युनियनले समेत सहयोग बढाउन थालेको उल्लेख गरे ।
उनले ओली सरकारको पालालमा १९ अर्ब रुपैयाँ ऋण लिएर कार्यकर्तालाई बाँडेको समेत दाबी गरे ।
