काठमाडौं । नेपाल राष्ट्र बैंकले २७ अर्ब २० करोड ३२ लाख रुपैयाँ बराबरको ट्रेजरी बिल बिक्री गर्न भएको छ । सोमबार बैंकले २७ अर्ब २० करोड ३२ लाख बराबरको ट्रेजरी बिल बिक्री गर्ने भएको हो ।
बैंकका अनुसार २८ दिन अवघिका लागि ५ अर्ब रुपैयाँ छुट्याइएको छ भने ९१ दिन अवधिका लागि २ अर्ब २३ करोड रुपैयाँ छुट्याइएको छ । १८२ दिन अवधिको लागि १२ अर्ब ४७ करोड रुपैयाँ बराबरको ट्रेजरी बिल छुट्याइएको छ ३६४ दिनको अवधिका लागि ७ अर्ब ५० करोड रुपैयाँ छुट्याइएको छ ।
२८ दिनको अवधिको बिल असार ७ गते परिपक्व हुनेछ भने ९१ दिन अवधिको बिल आगामी भदौ ७ गते परिपक्व हुनेछ । त्यस्तै, १८२ दिन अवधिको बिल आगामी मंसिर ६ गते परिपक्व हुनेछ भने ३६४ दिनको लागि आगामी जेठ ९ गते परिपक्व हुनेछ ।
यी ट्रेजरी बिलको सोमबार दिउँसो ३ बजे अनलाइनका माध्यमबाट बोलकबोल हुनेछ । बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन् ।
