काठमाडौं । ४० हजार जनालाई बाँड्न मिल्ने रुरु जलविद्युत् कम्पनीको शेयरमा साढे १६ लाख आवेदन परेको छ । गत शुक्रबारदेखि खुलेको उक्त शेयर मंगलबार बन्द हुँदासम्म कुल आवेदक संख्या ६ लाख ६९ हजार ५६६ जना पुगेको बिक्री प्रबन्धक एनएमबि क्यापिटलले जनाएको छ ।
सो कम्पनीले सर्वसाधारणका लागि कुल ४ लाख ७ हजार ७०६ कित्तामध्ये ८ हजार १५४ कित्ता कम्पनीका कर्मचारीहरूलाई र २० हजार ३८५ कित्ता सामूहिक लगानी कोषका लागि सुरक्षित गरी बाँकी ३ लाख ७९ हजार १६७ कित्ता सार्वजनिक निष्कासनमा ल्याएको हो । सर्वसाधारणका लागि छुट्याइएको उक्त शेयरले ३७ हजार ९ सय १६ जनालाई १० कित्ताको दरले शेयर बाँडफाँट गर्न मिल्छ । यो हिसाबले ४४ जना आवेदकमध्ये एकजनाले मात्रै सो शेयर पाउने अवस्था छ ।
यो शेयरका लागि कुल दुई करोड ३३ लाख ७७ हजार २२० कित्ता आवेदन परेको छ। प्रिमियम मूल्यमा जारी भएको यो शेयर प्रतिकित्ता रु १ सय २० रुपैयाँमा बिक्री गरिएको थियो ।
