काठमाडौं । एक्सेल डेभलपमेन्ट बैंकले गत आर्थिक वर्षको सञ्चित मुनाफाबाट लाभांश नदिने भएको छ । विहीबार बसेको सञ्चालक समितिको बैठकले सो निर्णय गरेको हो ।
बैठकले लाभांश वितरण नगर्ने गरी गत आर्थिक वर्षको वित्तीय विवरण स्वीकृतिका लागि नियामक नेपाल राष्ट्र बैंकसमक्ष पेश गर्ने निर्णय गरेको छ । आर्थिक वर्ष २०७९/८० को लेखापरीक्षण भएको वित्तीय विवरण स्वीकृत गर्ने प्रयोजनका लागि राष्ट्र बैंक समक्ष पेश गर्ने निर्णय पनि बैठकले गरेको छ।
राष्ट्र बैंकले वित्तीय विवरण स्वीकृत गरेपछि कम्पनीलाई साधारणसभाको बाटो खुल्ने छ । यस्तै, कम्पनीले अघिल्लो आर्थिक वर्षमा पनि लाभांश वितरण गरेको थिएन ।
