काठमाडौं । चीन सरकारको सहयोगमा प्राप्त हुने अक्सिजनको सिलिण्डर र भेन्टिलेटर लिनका लागि सोमबार नेपाल एयरलाइन्सको विमान चीन जाने भएको छ ।
निगमका अनुसार सोमबार चीन गएर मंगलबार विमान फर्कनेछ ।
पछिल्लो समयमा नेपालमा अक्सिजनभन्दा पनि सिलिण्डरको अभाव रहेको भन्दै उद्योगीहरुले आवाज उठाएपछि चीन सरकारले नेपाललाई सिलिण्डर दिन लागेको हो ।
विमानले ४०० वटा अक्सिजनका सिलिण्डर र २० वटा भेन्टिलेटर लिएर आउनेछ ।
