काठमाडौं । नेपाल वायुसेवा कम्पनीले हवाई भाडा बढाएको छ । कम्पनीको छाता संगठन वायुसेवा सञ्चालक संघले बुधबार हवाई भाडादर बढाएको हो । नेपाल आयल निगमले पेट्रोल तथा डिजेलको मूल्य बढाएसँगै वायुसेवा कम्पनीहरुले समेत हवाई भाडा बढाएका हुन् । संघले आन्तरिक उडानमा न्यूनतम ४५ रुपैयाँदेखि अधिकतम २ सय २० रुपैयाँसम्मले वृद्धि गरेको छ ।
योसँगै काठमाडौंबाट धनगढीसम्म हवाई भाडा १७ हजार २५ रुपैयाँ पुगेको छ । यस्तै काठमाडौंबाट सिमरासम्मको भाडा ४ हजार २ सय ४ पुगेको छ । संघका अनुसार बढेको नयाँ भाडादर बिहीबारदेखि लागु हुने छ ।
