काठमाडौं– अर्थसचिव शिशिर ढुंगानाले आगामी आर्थिक वर्षको बजेटमा राखिएको आर्थिक वृद्धिको लक्ष्य हासिल गर्न कठिन नपर्ने बताएका छन् । बजेटले लक्षित गरेको आर्थिक वृद्धिदर यथार्थपरक भएको भन्दै लक्ष्य भेट्ने दावी उनले गरेका हन् ।
शनिबार अध्यादेशमार्फत् सार्वजनिक गरिएको बजेटबारे जानकारी दिन आइतबार अर्थ मन्त्रालयमा आयोजित पत्रकार सम्मेलनमा आर्थिक वृद्धिदर पुग्न गाह्रो नहुने बताएका हुन् । सरकारले अर्को वर्ष ६.५ प्रतिशत आर्थिक वृद्धिको लक्ष्य बजेटमा राखेको छ ।
अर्थ सचिव ढुंगानाले आर्थिक वृद्धिदर ५ आधार बताउँदै लक्षित आर्थिक वृद्धिदर पुग्नेमा ढुक्क हुन आग्रह गरे । यस वर्ष कात्तिक महिना देखि आर्थिक गतिविधी सञ्चालनमा हुँदा हामी ४ प्रतिशतको आर्थिक वृद्धि हासिल गर्ने देखिएको पहिलो आधार बताएका छन् ।
चालू आर्थिक वर्षको बजेटबाटै आर्थिक पुनरुपत्थान र राहतका कार्यक्रम सार्वजनिक गरिएको छ । ‘सो सुविधाबाट उद्योग व्यवसाय संचालनका साथै आर्थिक गतिविधि संचालन हुन्छ,’ उनले भने त्यसपछि माग र पूर्तिको श्रृखला चाँडै लयमा आउनछ । नेपालको अर्थतन्त्रमा खुला हुने वित्तिकै मागमा उच्च वृद्धि हुन्छ । त्यसपछि उत्पादन र उत्पादकत्व दुबै बढ्ने छ ।
हामीले दक्षिण एसियामै भारतपछि नेपाल पहिलो कोरोना विरुद्धको खोप लगाउने दोस्रो मुलुक भएको भन्दै अर्थसचिव ढुंगानाले भने ‘हामी सकभर सबै नागरिकलाई चाडै खोप उपलब्ध गराउने तर्फ केन्द्रीत छौं । सबै नागरिकलाई खोप लगाएपछि आर्थिक गतिविधि चलायमान बनाउन सजिलो हुने उनले बताए ।
जसका कारण हाम्रो अर्थतन्त्र चाडै लयमा फर्किन्छ र जसले साढे ६ प्रतिशतको लक्ष्य प्राप्ति गर्न सक्ने छौं ।
सो अवसरमा ढुंगानाले निर्वाचनको लागि आवश्यक बजेट विनियोजन गरेको बताए । आयोजनाहरूको कार्यान्वयनको लागि सहसचिव स्तरीय संयन्त्र बनाइ परियोजनाको अनुगमन गरी कार्यान्वयनमा ध्यान दिने बताए ।
