काठमाडौं । काठमाडौ ।प्रतिनिधिसभाको समानुपातिकतरको मतगणनामा नेकपा एमालेले २ लाख मत कटाएको छ।
एमालेले बुधबार बिहानसम्म २ लाख ९ हजार ८ सय मत प्राप्त गरेको छ। यो अहिलेसम्म गणना भएको मतको २८.३ प्रतिशत हुन आउँछ।
त्यस्तै दोस्रो स्थानमा रहेको नेपाली कांग्रेसले १ लाख ८६ हजार ५ सय ५७ मत प्राप्त गरेको छ। यो जारी मतगणनाको २५.२ प्रतिशत हुन आउँछ।
तेस्रो स्थानमा भने रवि लामिछाने नेतृत्वको राष्ट्रिय स्वतन्त्र पार्टी छ। सो पार्टीले ९७ हजार ५ सय ९३ मत प्राप्त गरेको छ। यो १३.२ प्रतिशत हुन आउँछ।
चौथो स्थानमा रहेको माओवादी केन्द्रले ८६ हजार ९ सय ३८ मत ल्याएको छ । माओवादी केन्द्रको मत प्रतिशत ११.७ रहेको छ।
पाँचौ स्थानमा रहेको राप्रपाले ५० हजार २ सय ७५ मत पाएको छ । जुन ६.८ प्रतिशत हुन आउँछ। बाँकी दलहरूले ३ प्रतिशत मत कटाएका छैनन्।
