भक्तपुर । भक्तपुरमा दुई दिदीबहिनी मृत फेला परेका छन् । एउटै डोरीमा झुण्डिएको अवस्थामा आज बिहान दुई दिदीबहिनी मृत फेला परेको जिल्ला प्रहरी कार्यालय भक्तपुरले जनाएको छ ।
मध्यपुर थिमि नगरपालिका–८ बोडे सिन्टिटारस्थित डेरामा बस्दै आएकी १७ वर्षीया मेनुका कँडेल र उनकी बहिनी १५ वर्षीया श्रृजना कँडेल मृत फेला परेको प्रहरीको भनाई छ । कँडेल दिदीबहिनी चक्रधर प्रजापतिको ईट्टा र फलामले बनेको दुई तले घरको भुईं तलामा बस्दै आएका थिए ।
सुर्खेत जिल्लाको पञ्चपुरी नगरपालिका –८ का स्थायी बासिन्दा रहेको बताइएको छ । उनीहरू बिहान पौने ७ बजे कोठाकै प्यासेजमा झुण्डिएको अवस्थामा फेला परेको भक्तपुर प्रहरीले जनाएको छ । घटनाबारे थप बिस्तृत विवरण आएको छैन । अनुसन्धान भइरहेको प्रहरीले जनाएको छ ।
