काठमाडौं । मन्त्रिपरिषद् बैठकले ११ निर्णय गरेको छ । मन्त्रिपरिषद्को बुधबार बसेको बैठकले गरेका निर्णयहरू बिहीबार सार्वजनिक गरिएको हो।
बैठकले सङ्घीय संसद्का पदाधिकारी तथा सदस्यहरूको पारिश्रमिक र सुविधा सम्बन्धी ऐन, २०७३ को अनुसूची(२ मा हेरफेर गर्ने निर्णय गरेको छ। जसअन्तर्गत पदाधिकारीका स्वकीय सचिवालयको दरबन्दी घटाउने निर्णय गरेको छ ।
त्यस्तै, बैठकले कतारको दोहामा आयोजना हुने ‘सेकेन्ड वर्ल्ड समिट फर सोसल डेभलपमेन्ट’ कार्यक्रममा सहभागी हुन राष्ट्रपति रामचन्द्र पौडेलको नेतृत्वमा २०८२ कार्तिक १७ देखि २० गतेसम्म हुने औपचारिक भ्रमण स्वीकृत गरेको छ।
