काठमाडौं । फागुन २१ गते तोकिएको प्रतिनिधि सभा निर्वाचनको लागि ४ अर्ब ९६ करोड रुपैयाँ बजेट स्वीकृत भएको छ । निर्वाचन आयोगले माग गरे अनुसारको बजेट स्वीकृत नभएपनि स्रोत सुनिश्चितता भने भएको हो ।
निर्वाचन आयोगले प्रतिनिधिसभा सदस्य निर्वाचनका लागि सात अर्ब ८१ करोड रुपैयाँ बजेट माग गरेको थियो ।
आयोगको प्रस्ताव र विगतमा भएको निर्वाचनको खर्चलाई मध्यनजर गर्दै अर्थमन्त्रालयले दिइने निकासा र त्यसको थप स्रोतको बारेमा अझै छलफल जारी राखेको जनाएको छ ।
