काठमाडौं । आईएमई जनरल इन्स्योरेन्सको हकप्रद शेयर निष्कासन आज बन्द हुँदैछ । सो कम्पनीले १०ः४ बराबरको ४० प्रतिशत हकप्रद शेयर निष्कासन गरेको हो । उक्त हकप्रदमा आज साँझ ५ दजेसम्म आवेदन दिन सकिनेछ ।
कम्पनीले ४६ करोड ३० लाख रुपैयाँ बराबरको ४६ लाख ३० हजार कित्ता हकप्रद शेयरका लागि फागुन २२ गतेबाट आवेदन खुल्ला गरेको थियो । सो हकप्रद बिक्री प्रबन्धकमा ग्लोबल आईएमई क्यापिटल रहेको छ ।
गत माघ २८ गतेसम्म दोस्रो बजारमा शेयर कायम भएका शेयरधनीहरुले उक्त हकप्रद शेयर आवेदन दिन लागि योग्य हुनेछन् । यो हकप्रदमा सेयरधनीहरुले नेपाल धितोपत्र बोर्डबाट अनुमति प्राप्त सि–आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालयहरुबाट आवेदन दिन सक्नेछन्।
