काठमाडौं । एक महिनामा नेपाल राष्ट्र बैंकमा सुनचाँदीमा लगानी गर्ने रकम ६ अर्ब रुपैयाँले बढेको छ । राष्ट्र बैंकको सुनचाँदीमा लगानी गर्ने रकम ९१ अर्ब ४८ करोड रुपैयाँ रहेको हो ।
माघ मसान्तसम्म नेपाल राष्ट्र बैंकले सुनचाँदीमा गर्ने रकम ८५ अर्ब ५० करोड रुपैयाँ रहेको थियो । सो रकम फागुन मसान्तमा ६ अर्ब रुपैयाँले बढेर ९१ अर्ब ४८ करोड रुपैयाँ पुगेकोे छ ।
राष्ट्र बैंकले माघ मसान्तमा ६ खर्ब ३१ अर्ब रुपैयाँ बराबरको नोट चलनचल्तीमा रहेको जनाएको थियो । फागुन मसान्तमा यो रकम १ अर्बले घटेर रहेको ६ खर्ब ३० अर्ब रुपैयाँ रुपैयामाँ झरेको छ । यो रकम बैंक, निजी क्षेत्र र आम जनतासँग कायम रहेको रकम हो ।
