काठमाडौं । रुरु जलविद्युत परियोजनाले १०.५२ प्रतिशत लाभांश घोषणा गरेको छ । कम्पनीको असोज ७ गते शुक्रबार बसेको संचालक समितिको बैठकले आर्थिक वर्ष २०७८/७९ को मुनाफाबाट चुक्ता पूँजीको १० प्रतिशत बोनस सेयर र ०.५२६३ प्रतिशत नगद लाभांश कर प्रयोजनको वितरण गर्ने घोषणा गरेको छ ।
उक्त लाभांश आगामी वार्षिक साधारणसभाले पारित गरेपछि सेयरधनीलाई वितरण गरिनेछ। उक्त लाभांश प्रस्ताव पारित गर्न यसले कार्तिक ४ गते वार्षिक साधारण सभा बोलाएको छ ।
साधारण सभा बानेश्वर ब्याङ्केट, थापा गाउँ, नयाँ बानेश्वरमा दिउँसो १ बजेबाट सुरु हुनेछ । यसले सभा प्रयोजनका लागि असोज २७ गते बुक क्लोज हुनेछ । तसर्थ, असोज २६ गतेसम्म कायम सेयरधनीले सभामा भाग लिन र लाभांश पाउनेछन् ।
