काठमाडौं । पाँच सूचीकृत कम्पनीले साधारणसभा बोलाएका छन् । कम्पनी सञ्चालक समितिको निर्णय बमोजिम ती कम्पनीहरुले असोज महिनभित्रै बस्नेगरि साधारणसभा बोलाएका हुन् । यसरी सभा बोलाउनेहरुमा ३ वटा इस्योरेन्स कम्पनी, एउटा होटल र एउटा व्यापारमूलक कम्पनी रहेको छ ।
सानिमा जनरल इस्योरेन्स र जनरल इस्योरेन्स कम्पनीले असोज ११ गतेका लागि विशेष साधारणसभा बोलाएका छन् । मर्जर प्रयोजनको लागि यस्तो सभा बोलाइएको हो । दुई कम्पनीवीच मर्जरमा जान असार २९ गते प्रारम्भिक समझदारी पत्रमा हस्ताक्षर भएको थियो ।
त्यस्तै, एशियन लाइफ इस्योरेन्स कम्पनीले आर्थिक बर्ष २०७७/७८ को मुनाफाबाट १४.५० बोनस शेयर र ०.६७ प्रतिशत नगद लाभांश वितरण गर्ने प्रस्ताव पारित गर्नेछ । कम्पनीले असोज १३ गते साधारणसभा बोलाएको छ । सो कम्पनीको बुक क्लोज असोज ४ गते भइसकेको छ ।
त्यस्तै, नेपाल ल्युब आयलले असोज २८ गते साधारणसभा बोलाएको छ । सो सभाले आर्थिक बर्ष २०७८/७९ को मुनाफाबाट २५ प्रतिशत बानेस शेयर र ५ प्रतिशत नगद लाभांश वितरण गर्ने प्रस्ताव पारित गर्नेछ । सो कम्पनीको बुक क्लोज असोज १४ गतदेखि २८ गतेसम्म गर्ने भएको छ ।
त्यस्तै, ओरिण्टल होटल्स कम्पनीले असोज १३ गते साधारणसभा बोलाएको छ । कम्पनीले यो बर्ष शेयरधनीलाई कुनै पनि लाभांश दिने घोषणा गरेको छैन ।
