काठमाडौं । कुमारी बैंकले लाभांश घोषणा गरेको छ । शुक्रवार बिहान बसेको सञ्चालक समितिको बैठकले सो निर्णय गरेको हो ।
बैंकले गतवर्षको मुनाफाबाट चुक्ता पूँजीको १२.५० प्रतिशत नगद लाभांश वितरणको प्रस्ताव गरेको छ । बैंकले यो वर्ष बोनस शेयरभने दिएको छैन ।
सो लाभांश नेपाल राष्ट्र बैंकले स्वीकृत दिएपछि कम्पनीको आगामी साधारणसभाबाट पारित भएपश्चात वितरण गरिने बैंकले जनाएको छ । सो बैंक एनसीसी बैंकसँग मर्जरको प्रक्रियामारहेकाले यसअघि नै बैंकको शेयर कारोबार बन्द रहेको छ ।
