काठमाडौं । कतारमा जारी फिफा विश्वकप २०२२ को फाइनल खेलकाे दोश्रो हाफमा फ्रान्सले दुई मिनेटमा दुई गाेल गर्दा ९० मिनेटको खेल २-२ गाेलकाे बरावरीमा टुंगिएको छ । निर्धारित समयमा खेल बराबरी भएपछि थप ३० मिनट थपिएकाे छ ।
खेलकाे ८० औं मिनटमा पेनाल्टीबाट गाेल गरेका एम्बापेले दुई मिनेटमै अर्को गाेल गरेपछि खेल बरावरी भएकाे हाे ।
यसअघि पहिलाे हाफमा अर्जेन्टिनाले २-० गाेलकाे अग्रता लिएको थियाे । मेसीकाे गोलबाट २३ औं मिनटमा अग्रता लिएको अर्जेन्टिनाले ३४ औं मिनटमा थप गाेल गर्दै २-० गाेलकाे अग्रता लिएको थियाे ।
अर्जेन्टिनाका डिमारियाले
खेलकाे ३४ मिनटमा गाेल गर्दै अर्जेन्टिनाकाे अग्रता दोब्बर पारेका थिए । अर्जेन्टिनाले खेलकाे शुरूदेखिनै फ्रान्सलाई दवावमा राखेकाे थियाे ।
तर दोश्रो हाफमा दुई गाेल गरेपछि जारी प्रतियोगितामा एम्वापेकाे गाेल संख्या ७ पुगेकाे छ । उनी प्रतियोगिताकै सबैभन्दा बढी गाेलगर्ने खेलाडी समेत बनेका छन् ।
यसअघि मेसीले फाइनलमा गाेल गरेसंगै जारी विश्वकपमा गाेल संख्या ६ पुगेको थियाे । विश्वकपमा २६ औ खेल खेलिरहेका मेसीले याे प्रतियोगितामा छ गाेल गरिसकेका छन् ।
