काठमाडौं । ४ महिनाको अवधिमा वाणिज्य बैंकहरुले २५ अर्ब बढी नाफा कमाएका छन् । नेपाल राष्ट्र बैंकले सार्वजनिक गरेको विवरण अनुसार आर्थिक वर्ष २०७९/८० को ४ महिनामा २६ वाणिज्य बैंकहरुले कुल २५ अर्ब ३२ करोड ३० लाख नाफा कमाएका हुन् ।
यो नाफा अघिल्लो महिनासम्ममा वाणिज्य बैंकहरुले कमाएको नाफाभन्दा ३५ प्रतिशत बढी हो । अघिल्लो महिनामा यस्तो नाफा १८ अर्ब ७५ करोड ७० लाख रुपैयाँ थियो ।
नेपाल राष्ट्र बैंकका अनुसार यो अवधिमा नाफा कमाउनेमध्ये सबैभन्दा शीर्ष स्थानमा नबिल बैंक रहेको छ । बैंकले यो अवधिमा २ अर्ब ३५ करोड ७९ लाख नाफा कमाएको तथ्यांकमा उल्लेख छ । त्यस्तै दोस्रो स्थानमा एनआईसी एसिया बैंक रहेको छ जसको नाफा २ अर्ब २२ करोड ७८ लाख रुपैयाँ रहेको छ ।
यो अवधिमा सबैभन्दा कम नाफा कमाउने बैंकमा कृषि विकास बैंक र सनराइज बैंक रहेका छन् । ती बैंकहरुको नाफा ३१ करोड ८५ लाख र ३७ करोड ६१ लाख रुपैयाँ रहेको छ ।
कुन बैंकको नाफा कति ?
नबिल बैंक : २ अर्ब ३५ ७९ लाख
एनआईसी एशिया : २ अर्ब २२ करोड ७८ लाख
ग्लोबल आइएमई बैंक : १ अर्ब ७५ करोड ४९ लाख
नेपाल इन्भेष्टमेन्ट बैंक : १ अर्ब ५२ करोड ६२ लाख
एनएमबि बैंक : १ अर्ब ३० करोड ८४ लाख
कुमारी बैंक : १ अर्ब २५ करोड ७७ लाख
प्राइम कमर्सियल बैंक : १ अर्ब २५ करोड ५१ लाख
एभरेष्ट बैंक : १ अर्ब १५ करोड १४ लाख
स्टयाण्डर्ड चार्टर्ड बैंक : १ अर्ब ८ करोड ३९ लाख
नेपाल बैंक : ९५ करोड ९४ लाख
राष्ट्रिय वाणिज्य बैंक : ९२ करोड ६८ लाख
हिमालयन बैंक : ८३ करोड ५१ लाख
नेपाल एसबिआई बैंक : ८२ करोड ७८ लाख
सानिमा बैंक : ७८ करोड ७४ लाख
प्रभु बैंक : ७८ करोड ४३ लाख
मेगा बैंक : ७६ करोड ९२ लाख
एनसीसी बैंक : ७२ करोड ६७ लाख
सिटिजन्स बैंक : ७० करोड ४९ लाख
सिद्धार्थ बैंक : ६७ करोड ४१ लाख
लक्ष्मी बैंक : ६५ करोड ६८ लाख
माछापुच्छ्रे बैंक : ५९ करोड ५८ लाख
सिभिल बैंक : ५६ करोड ९ लाख
बैंक अफ काठमाण्डू : ४५ करोड ३२ लाख
सेञ्चुरी बैंक : ४४ करोड ७ लाख
सनराइज बैंक : ३७ करोड ६१ लाख
कृषि विकास बैंक : ३१ करोड ८५ लाख
