काठमाडौं । समता घरेलु लघुवित्तले लाभांश घोषणा गरेको छ । बुधबार बसेको सञ्चालक समितिको बैठकले हाल कायम रहेको चुक्ता पुँजीको ५.२६ प्रतिशत लाभांश वितरण गर्ने घोषणा गरेको हो ।
जसमध्ये ५ प्रतिशतले हुन आउने २ करोड ९९ लाख ५४ हजार ८ सय ३६ रुपैयाँ बराबरको बोनस शेयर र कर प्रयोजनार्थ ०.२६ प्रतिशतले हुन आउने १५ लाख ७६ हजार ५ सय ७० रुपैयाँ बराबरको नगद लाभांश छन्।
प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरी शेयरधनीहरुलाई वितरण गरिने संस्थाले जनाएको छ।
