ज्याक डोर्सीले आफूले मिलेर स्थापना गरेको ट्विटरको सीईओ पदबाट राजीनामा दिएपछि सबैको पहिलो प्रश्न यही थियो कि अहिले किन ? र दोस्रो प्रश्न थियो, अब अर्को को ?
कम्पनीमा १५ वर्ष नेतृत्वपछि सोमबार ट्विट गर्दै डोर्सीले ट्वीटरले सबै कम्पनीजस्तै आफ्ना संस्थापकहरुलाई माथि पुर्याइलिएको बताउँदै आफू बाहिरिने समय सही यो नै भएको बताए । उनी नयाँ सीईओ प्रयाग अग्रवालप्रति विश्वस्त छन्, जो यसअघि ट्विटरको प्रमुख प्राविधिक अधिकृत थिए ।
प्रोडक्ट इन्जिनियरका रूपमा ट्वीटर प्रवेश
अग्रवालले सन् २०११ मा इन्जिनियरको रूपमा सामाजिक सञ्जाल जायन्ट ट्विटरमा काम गर्न थाले र २०१७ मा यसको प्रमुख प्राविधिक अधिकृत बने। उनी निवर्तमान सीईओ डोर्सीको नजिक थिए र कम्पनीको लागि आफ्नो दृष्टिकोण शेयर गर्ने गर्थे ।
डोर्सीले आफ्नो राजीनामा इमेलमा अग्रवालको आरोहणको बारेमा गहकिलो रुपमा बोले। ‘पराग जसले यहाँ एक इन्जिनियरको रूपमा काम सुरु गर्नुभयो, जसले हाम्रो कामको राम्रो केयर गर्नुभयो र अब उहाँ हाम्रो सीईओ हुनुहुन्छ । मसँग पनि त्यस्तै बाटो थियो, उहाँले राम्रो गर्नुभयो । उहाँप्रति मलाई निकै गर्व छ,’ डोर्सीले लेखे।
सबैभन्दा कान्छा सीईओ
डोर्सी लगायतको लगानी भएको ५ सय भन्दा धेरै कम्पनीमध्ये प्रयाग सबैभन्दा कान्छो सीईओ हुन् । डोर्सीबाट पदभार ग्रहण गर्दा, ३७ वर्षीया उनी सबैभन्दा कान्छो सीईओ बने । ब्लूमबर्ग न्यूजका अनुसार उनको उमेर फेसबुक (हाल मेटा कम्पनी) का सीईओभन्दा केही दिन मात्रै कम रहेको बताइन्छ ।
अग्रवालले यसअघि ट्वीटरका केही महत्वपूर्ण परियोजनाहरूको नेतृत्व गरिसकेका छन् । कम्पनीको विज्ञप्ति अनुसार अग्रवालले ट्विटरको प्राविधिक रणनीति, कम्पनीमा मेसिन लर्निङको अवस्थालाई अगाडि बढाउँदै विकासको गतिमा सुधार गर्ने कार्यको नेतृत्व गरेका छन् ।
व्यवहारमा, यसको मतलब अग्रवालले ट्वीरमा मेसिन लर्निङ, क्रिप्टोकरेन्सी र क्लाउड टेक्नोलोजी समावेश गर्ने ट्वीटरका केही भविष्यमा सामना गर्ने परियोजनाहरूमा काम गरेका छन् । यो सामाजिक सञ्जाल प्लेटफर्महरूको विकेन्द्रीकरणको ट्विटरको मुख्य धक्काको प्रमुख भाग भएको छ।
उल्लेखनीय रूपमा, अग्रवालले ब्लुस्काई नामक टेक्नोलोजी परियोजनामा लगानी गर्ने कार्यमा महत्वपूर्ण भूमिकिा खेले । विभिन्न कम्पनीहरूले प्रयोग गर्न सक्ने सोशल मिडियाको लागि खुला स्रोत र स्वतन्त्र नेटवर्किंग प्रोटोकल विकास गरेर त्यो भविष्य निर्माण गर्ने प्रयास पनि गरे।
उनले सम्भवतः ट्विटरमा अभिव्यक्ति नियमहरू बनाउनेछन्
डोर्सीले ट्विटरको सीईओ रहँदा सामाजिक सञ्जालमा अभिव्यक्ति स्वतन्त्रतालाई व्यक्तिगत गोपनीयता, प्रयोगकर्ताको सुरक्षाको सीमाभन्दा माथि राख्नुपर्छ भन्थे । जनवरी ६ मा अमेरिकीमा भएको विद्रोहपछि हिंसा भड्काएको आरोप लगाउँदै ट्विटरले राष्ट्रपति डोनाल्ड ट्रम्पलाई जनवरीमा प्रतिबन्ध लगायो, डोर्सी त्यतिबेला भनेका थिए कि खुला इन्टरनेटको खतरा कम गर्न कम्पनीको सही निर्णय हो ।
जनवरी ६ : वासिंटन पोस्ट अनुसन्धान
सीईओको हैसियतमा अग्रवालले आगामी वर्षहरूमा पनि अभिव्यक्ति स्वतन्त्रताका विषयमा बहस चलाउनेछन् र ती निर्णयहरूलाई नजिकबाट हेरिनेछ। उनका केही विगतका टिप्पणीहरूले यस विषयमा उनको धारणालाई संकेत गर्दछ।
सन् २०२० मा एमआईटी टेक्नोलोजी रिभ्युसँगको अन्तर्वार्तामा अग्रवालले ट्वीटरमा अभिव्यक्ति स्वतन्त्रता र गलत सूचनाको विरुद्धमा कसरी सन्तुलन राख्ने भन्ने प्रश्नको जवाफ दिएका थिए। उनले भनेका थिए, ‘हाम्रो भूमिका सीमा निर्धारण गरेर कसैलाई बाध्य पार्नु होइन, स्वस्थ सार्वजनिक छलफललाई बढावा दिनु हो र हाम्रो पाइलाहरु त्यतातिर लाग्छन् जसप्रति हामी विश्वस्त हुन्छौं कि यसले स्वस्थ सार्वजनिक छलफलको विकासमा नेतृत्व गर्दछ।’
अग्रवालले ट्विटरको मुख्य भूमिका के सत्य हो र के होइन भन्ने निर्णय गर्नु र प्रयोगकर्ता वा सामग्रीलाई सोही अनुसार रोक्नु नभई इन्टरनेटमा सामग्रीको कुन उपसमूहलाई सेवामा प्लेटफर्मका प्रयोगकर्ताहरूको ध्यानमा ल्याइन्छ भन्ने निर्णय गर्नु भएको तर्क गरेका थिए ।
यो सन्दर्भमा ट्विटरले सिफारिस प्रणालीलाई कसरी सुनिश्चित गर्ने भन्ने सन्दर्भमा हामीले काम गर्नुपर्ने बताए । हामीले मानिसहरूको ध्यान कसरी निर्देशित गर्छौं भन्ने सन्दर्भमा हामीले काम गरिरहेका छौं, जसले गर्दा सहभागितामूलक सार्वजनिक छलफललाई सहयोग गरोस् ।
विवादरहित छैनन् अग्रवाल
अग्रवाल ट्विटरको नयाँ सीईओ हुन सक्छन्, तर उनले धेरै ट्वीट गर्दैनन् । १३ वर्षको अवधिमा उनले ट्वीटरमा ३२३९ वटा मात्रै ट्वीट गरेका छन् । यो अवधिमा डोर्सीको २८ हजार भन्दा बढी ट्वीट गरेका थिए । यद्यपि, अग्रवाललाई सीईओको रूपमा घोषणा भएको केही समयपछि, उनको पुरानो ट्वीटहरूले संयुक्त राज्य अमेरिकाका केही रूढिवादी समुदायबीच विवाद उत्पन्न गर्यो।
अक्टोबर २०१० मा गरिएको एउटा ट्वीटमा अग्रवालले लेखेका थिए, ‘यदि उनीहरूले मुस्लिम र चरमपन्थीबीचको भेद गर्दैनन् भने, मैले गोरा र जातिवादीहरू बीचको भेद किन गर्ने ?’ यो हानिकारक स्टेरियोटाइपहरूमा ‘डेली शो’ खण्डबाट सीधा उद्धरण हो । तर केही ट्विटर प्रयोगकर्ताहरूले अग्रवाल गोरा मानिसविरुद्ध पक्षपाती हुन सक्ने आशंका गरे ।
द हाउस नुडिसियरी जीओपी नामक एकाउन्टबाट अग्रवालको २०१० ट्वीटको स्क्रिनसट ट्वीट गर्दै उनलाई डोर्सी भन्दा ‘धेरै नराम्रो’ भनी वर्णन गर्यो । त्यस्तै, सेन मार्सा ब्ल्याकबर्न नामक एकाउन्टले अग्रवालको अर्को ट्वीटमा कुनै धर्मबारे नकारात्मक रहेको टिप्पणी गर्यो । तर, ट्वीटरले ट्वीटको अर्थको बारेमा टिप्पणीको लागि अनुरोधलाई जवाफ दिएको छैन ।
(वासिङ्टन पोष्टको लेखको नेपाली अनुवाद)
