काठमाडौं । नेशनल लाइफ इन्स्योरेन्स कम्पनीको प्रमुख कार्यकारी अधिकृत (सीईओ)मा सुरेशप्रसाद खत्रीको नियुक्त भएका छन् । कम्पनी संचालक समिति बैंठकले प्रमुख कार्यकारी अधिकृतमा खत्रीलाई नियुक्त गर्न बीमा समितिमा सिफारिसको लागि पठाएको थियो । समितिबाट सहमती आएसँगै उनलाई सीईओमा नियुक्त गरिएको हो ।
गत पुस ५ गतेबाट प्रमुख कार्यकारी अधिकृत भरतबहादुर बस्नेतको पदावधि सकिएपछि नायब प्रमुख कार्यकारी अधिकृत खत्रीलाई कामु सीईओको जिम्मेवारी दिइएको थियो । अहिले उनलाई सो पदमा नियुक्त गरिएको हो । खत्रीको बीमा क्षेत्रमासाढे २ दशकको कार्य अनुभव छ ।
