काठमाडौँ । नेपाली काँग्रेसको नयाँ नेतृत्व चयनका लागि मतदानको समय सारिएको छ । बिहान १० बजेदेखि हुने भनिएको मतदानको समय दिउँसो १ बजे मात्रै सुरु हुने निर्वाचन समितिका सदस्य सचिव राजु कटुवालले जानकारी दिए ।
महाधिवेशनमा सहभागी सात हजार २ सय ५५ महाधिवेशन प्रतिनिधिले नयाँ केन्द्रीय कार्यसमिति चयन गर्न मतदान गर्नेछन् । सभापतिसहित पदाधिकारी र केन्द्रीय सदस्यका लागि उम्मेदवारी दिएका नेताहरूको अन्तिम नामावली निर्वाचन समितिले बुधबार साँझ सार्वजनिक गरिसकेको छ ।
