पोखरा । लेकसाइड स्थित एक होटलबाट पक्राउ परेका गुन्डा नाइके गणेश लामा सहित तीन जना रिहा भएका छन् ।
प्रहरीले उनलाई लकडाउन उल्लंघन गर्दै पोखरा आएको आरोपमा बिहीबार पक्राउ गरेको थियो ।
कास्कीमा प्रमुख जिल्ला अधिकारी थानेश्वर गौतमले लामासहित तीन जनालाई रिहा गर्न आदेश दिएका हुन् ।
प्रजिअ गौतमको आदेशसँगै लामासहित पक्राउ परेका नेता चन्द्र लामा र रमेश खड्का पनि सँगै रिहा भएका छन् ।
पक्राउ गरेका तीनै जनालाई वडा प्रहरी कार्यालय बैदाममा राखेको थियो ।
लामालाई बिनाकारण पक्राउ गरेको भन्दै कास्की काँग्रेस र उसका भातृ संस्थाहरुले विज्ञप्ति जारी गर्दै प्रहरी ज्यादती विरुद्ध आन्दोलनमा उत्रने चेतावनी दिएका थिए ।
लामा नेपाली काँग्रेसका नेता समेत हुन् ।
