काठमाडौं । काभ्रेपलाञ्चोक जिल्लाको पनौती नगरपालिकामा ग्रुप फर टेक्निकल एसिस्टेन्सको संयोजनमा Myriad USA को आर्थिक सहयोगमा गत असोज महिनामा आएको भिषण बाढी तथा पहिरोबाट प्रभावित परिवारहरूलाई राहत वितरण गरिएको छ ।
पनौती नगरपालिकाका ६०० प्रभावित घरधुरीका लागि व्लाङकेट, म्याट्रेस, बाल्टिन (धारा जडित), साबुन, साबुनदानी, स्यानीटरी प्याड, मग, पानी शुद्धीकरण गर्ने पियुस झोल लगायतका दैनिक अत्यावश्यक सामग्रीहरू प्रदान गरियो । साथै, प्रभावित २ विद्यालयहरूका लागि विपद्को बेलामा उद्धार गर्न उपयोगी खोज तथा इमरजेन्सी किट ३ बाकस नगरपालिकालाई हस्तान्तरण गरियो ।
संस्थाको तर्फबाट सचिव भोला नाथ चौधरीले राहत सामग्री र खोज तथा इमरजेन्सी किट पनौती नगरपालिकाका नगर प्रमुख राम शरण भण्डारीलाई हस्तान्तरण गरेका थिए । खोज तथा इमरजेन्सी किट श्री फूल्चोकी आधारभूत विद्यालय (पनौती वडा नं २) का प्रधानाध्यापक कृष्ण प्रसाद हुमागाईं र श्री इन्द्रादेवी आधारभूत विद्यालय (पनौती वडा नं १२) की प्रधानाध्यापक बिमला नेपाललाई प्रदान गरियो ।
गोदावरी नगरपालिकामा पनि राहत हस्तान्तरण
ललितपुर जिल्लाको गोदावरी नगरपालिकामा पनि ग्रुप फर टेक्निकल एसिस्टेन्सको संयोजनमा राहत वितरण गरिएको छ । यहाँ ३०० प्रभावित घरधुरीलाई व्लाङकेट, म्याट्रेस, बाल्टिन (धारा जडित), साबुन, साबुनदानी, स्यानीटरी प्याड, मग, पानी शुद्धीकरण गर्ने पियुस झोल लगायतका अत्यावश्यक सामग्री वितरण गरियो ।
साथै, प्रभावित २ विद्यालयहरूलाई खोज तथा इमरजेन्सी किट ३ बाकस हस्तान्तरण गरियो । राहत सामग्री तथा खोज तथा इमरजेन्सी किट ग्रुप फर टेक्निकल एसिस्टेन्सका सचिव भोला नाथ चौधरीले गोदावरी नगरपालिकाका नगर प्रमुख गजेन्द्र महर्जनलाई हस्तान्तरण गरे ।
खोज तथा इमरजेन्सी किटका सामग्रीहरू (जो दुवै नगरपालिकामा वितरण गरिएको थियो ।)
स्ट्रेचर – १ थान
फायर स्क्रीङग्युसर – १ थान
खानेपानी पाइप – ५०० मिटर र ३०० मिटर
बेल्चा – २ थान
गैती – २ थान
गल – २ थान
कोदालो – २ थान
ह्यामर – २ थान
पिलास – १ थान
डोरी – १ रोल
टर्चलाइट – २ थान
चस्मा – ४ थान
सेफ्टी ज्याकेट – ४ थान
सेफ्टी हेलमेट – ४ थान
सिटी – ४ थान
गम बुट – ४ जोडी
त्रिपाल – १ थान
कम्बल – १ थान
प्राथमिक उपचार बक्स – १ थान
यस सहयोगबाट बाढी प्रभावित समुदायलाई तत्काल राहत प्राप्त हुने वितरण संयोजन संस्थाले विश्वास गरेको छ ।
