काठमाडौं । सुनचाँदी बजारमा आज सुनको मूल्य ४ हजार ६०० रुपैयाँले घटेको छ । आज छापावाला सुनको मूल्य प्रतितोला १ लाख ८३ हजार ५०० सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
बुधबार प्रतितोला १ लाख ८८ हजार १०० रुपैयाँमा कारोबार भएको सुनको मूल्य आज ४ हजार ६ सय रुपैयाँले घटेरप्रतितोला १ लाख ८३ हजार ५०० रुपैयाँमा कायम भएको महासंघले जनाएको छ ।
यस्तै चाँदीको मूल्य पनि घटेको छ । बुधबार तोलामा १ हजार ९६५ रुपैयाँ कायम भएको चाँदीको मूल्य आज घटेर तोलामा १ हजार ९१५ रुपैयाँ कायम भएको महासंघले जनाएको छ ।
