काठमाडौं । आर्थिक वर्ष २०७९/८० को ५ महिनामा आयात २० प्रतिशतले घटेको छ । भन्सार विभागको तथ्याङ्कअनुसार मंसिर महिननासम्ममा ६ खर्ब ६४ अर्ब ७४ करोड आयात भएको छ । गत वर्ष सोही समयमा नेपालले ८ खर्ब ३८ अर्ब ४० करोड बराबरको आयात गरेको थियो । जुन गतवष्र्षको तुलनामा २०.७१ प्रतिशतले कम हो ।
सो अवधिमा नेपालको निर्यात पनि ३४.६१ प्रतिशतले घटेको छ । मंसिरसम्ममा नेपालले कुल ६७ अर्ब ३० करोड ४५ लाख रुपैयाँ बरराबरको निर्यात गरेको छ । यो गतवर्षको तुलनामा ३४.६१ प्रतिशत कम हो । गत वर्षको सोही अवधिमा नेपालले १ खर्ब २ अर्ब ९२ करोड बराबरको निर्यात गरेको थियो
विभागले सार्वजनिक गरेको विवरण अनुसार आर्थिक वर्षको ५ महिनामा वैदेशिक व्यापार घाटा ५ खर्ब ९७ अर्ब ४४ करोड रुपैयाँ बरारबको रहेको छ । गत वर्षको सोही अवधिमा नेपालले ७ खर्ब ३५ अर्ब ४८ करोडको व्यापार घाटा रहेको थियो । यो गतवर्षको तुलनामा १८.७७ प्रतिशत कम हो ।
त्यस्तै, ५ महिनामा नेपालले ७ खर्ब ३२ अर्ब ५ करोड रुपैयाँको वैदेशिक व्यापार गरेको छ । यो गत वर्षको तुलनामा २२.२३ प्रतिशतले घटेको छ । गत वर्षको सोही अवधिमा नेपालले ९ खर्ब ४१ अर्ब ३२ करोड रुपैयाँको वैदेशिक व्यापार गरेको थियो ।
