काठमाडौं । आजदेखि भरी ग्यास सिलिन्डर पाइने भएको छ । नेपाल आयल निगमले बुधबारदेखि लागू हुनेगरी खाना पकाउने पकाउने ग्यास उपलब्ध गराउने निर्णय गरेको हो । निगमले मंगलबार एक विज्ञप्ति प्रकाशित गरि आपूर्ति र वितरण प्रणाली पुरानै अवस्थामा फर्किएको भन्दै आधाको ठाउँमा पूरा सिलिन्डर बिक्री गर्ने जनाएको छ । उपभोक्ताले १४.२ केजीको ग्यासको मूल्य भने दुई हजार ६० रुपैयाँ तिर्नुपर्ने विज्ञप्तिमा उल्लेख छ ।
मध्यपुर्वमा अमेरिका र इरानबीच तनाव बढेपछि अस्थायी रूपमा ७.१ केजी ग्यास भर्ने व्यवस्था गरिएको थियो । त्यसलाई अन्त्य गर्दै अब १४.२ केजी क्षमताकै सिलिन्डर पुनः वितरण गरिने भएको निगमले जनाएको छ ।
भारतबाट आउने ग्यासको परिणाम बढेको र आमउपभोक्ता वर्गबाट १४.२ केजी ग्यास सिलिन्डरको उच्च माग भएपछि निगमले असार ३१ गतेबाट मुलुकभर नै साविककै १४.२ केजी ग्यास भर्ने व्यवस्था मिलाइएको निगमका प्रवक्ता मनोज ठाकुरले बताए ।
